រចនាបថភ្នំដា
- លំនៅដ្ឋាន ៖ របាយការណ៍ចិន(៤៧៩-៥០១)សរសេររៀបរាប់ថា លំនៅដ្ឋានរបស់អ្នកស្រុកហ្វូណាន់សង់ពីឈើដែលគេកាប់មកពីព្រៃ, ប្រក់ស្លឹក, សង់ផុតពីដី និងមានរបងពទ្ធ័ជំវិញ។
- សំណង់សាសនា(រូងភ្នំ) ៖ នៅជុំវិញចង្កេះភ្នំដាមានរូងភ្នំមួយចំនួន។ រូបបដិមាសំខាន់ៗជាច្រើនក្នុងព្រហ្មញ្ញសាសនាត្រូវគេយកមកថែរក្សាទុកនៅក្នុងសារមន្ទីរជាតិភ្នំពេញ។ មានសិលាចារឹកមួយ(K.៥៤៩) រៀបរាប់អំពីព្រះមហាក្សត្រ រុទ្រវរ្ម័ន បានស្ថាបនាបដិមាព្រះនារាយណ៍តម្កល់ក្នុងរូងភ្នំមួយ។
- បដិមា ៖ រូបបដិមានសម័យហ្វូណាន់គឺឧទ្ទិសដល់ព្រះពុទ្ធសាសនា និង ព្រហ្មញ្ញសាសនា(ជាទេពផ្សេងៗ)។ បដិមាទាងនោះសាងពីថ្ម, លោហធាតុនិង ឈើ។ លក្ខណៈបដិមានៅសម័យហ្វូណាន់ច្រើនចម្លងឫ យកគំរូតាមសិល្បៈ ឫទទួលឥទ្ធិពលសិល្បៈឥណ្ឌាច្រើន ពិសេសការឆ្លាក់បដិមាកាច់ចង្កេះ។ អ្នកសិក្សាពីប្រវត្តិសិល្បៈខ្មែរកំណត់លក្ខណៈចម្លាក់បដិមាសម័យហ្វូណាន់ថាជា ”រចនាបទភ្នំដា” ពីឆ្នាំ៥៤០-៦០០នៃគ.ស។ បដិមាក្នុងរចនាបថភ្នំដាចែកជាពីរគឺ ៖ រចនាបថភ្នំដា”A” និងរចនាបថភ្នំដា”B” រចនាបថតូចៗទាំងពីរនេះមានលក្ខណៈខុសគ្នាតែបន្តិចបន្ទួចប៉ុន្នោះ។
- លក្ខណៈសម្គាល់រចនាបថភ្នំដា”A” មានទម្រង់មុខមួលទ្រវែង, ភ្នែកក្រឡោត, ច្រមុះមានក្ដោង, ត្របកភ្នែកត្រង់, ផ្នត់សក់រាងជាក្រវិលខ្លីៗ។ បដិមានៃរចនាបថនេះស្លៀកសំពត់ខ្លី, មានភ្លីចេញពីប្រភពតែមួយ, ជាយសំពត់ញាត់ចូលក្នុងខ្សែក្រវ៉ាត់មូលតូចឆ្មារហើយមានក្បាលរាងមូល, ពីខាងមុខមានជាយផ្នត់ធ្លាក់សំយ៉ុង។
|
No comments:
Post a Comment
Note: Only a member of this blog may post a comment.